Германия ҳарбийлар янги кийим-кечак учун 825 миллион евро сарфламоқчи

Германия Мудофаа вазирлиги қурол-яроғ учун маблағ йўқлигига қарамай, ҳарбийлар янги кийим-кечак учун 825 миллион евро сарфламоқчи.

Умумий сумманинг 306 миллион евроси шартнома мажбуриятлари доирасида режалаштирилган, бироқ ҳозирча ўтказилмаган. 2032 йилгача етишмаётган 519 миллион евронинг берилиши Германия Бундестаги буджет қўмитасининг навбатдаги йиғилишида тасдиқланиши керак.

Бундесвернинг ҳозирги кучи - 179 317 аскар. 2031 йилга келиб у 203 мингга кўпаяди. Шундай қилиб, уларнинг ҳар бири учун янги форма тахминан 4 минг евро туради. Мухолифатдаги Христиан-Демократик Иттифоқининг буджет бўйича эксперти Инго Гаэдеченс аллақачон Мудофаа вазирлигининг сўровини «бемаъни устуворлик» деб атади, бу Бундесверни урушга кўпроқ тайёр қилмайди.

Июль ойи бошида Германия ҳукумати 2025 йил учун мудофаа харажатларини 53 миллиард евро миқдоридаги буджет лойиҳасини маъқуллаган, мудофаа вазири Борис Писториус эса пиёда жанговар машиналари ва ўқ-дорилари учун маблағ етишмаслигини баҳона қилиб, 58 миллиард евро сўраган эди.