Мюнхен прокуратураси россиялик тадбиркор Алишер Усмоновга нисбатан санкцияларни бузиш гумони билан олиб борилган тергов ҳаракатларини тўхтатди, деб хабар берди “РБК” нашрига Усмоновнинг вакиллари.
"Қарор Германия Жиноят-процессуал кодексининг 153а-параграфига мувофиқ қабул қилинган. Шунингдек, Усмонов хайрия мақсадлари учун ихтиёрий бадал тўлашга қарор қилган. Шу билан бирга, худди шу гумонлар бўйича терговни қайта тиклаш истисно қилинади, Алишер Усмоновга нисбатан айбсизлик презумпцияси сақланиб қолади", – деди миллиардернинг адвокати.
Бу Германияда Усмоновга нисбатан тўхтатилган биринчи тергов эмас. 2024 йил ноябр ойида Франкфурт-Майн бош прокуратураси пул маблағларини ювиш билан боғлиқ Усмоновга нисбатан бошқа бир терговни тўхтатган эди.
Spiegel нашри Усмонов 555 миллион евро миқдорида солиқ тўлашдан бўйин товлагани ҳақида ёзганди. Ишбилармоннинг вакили эса Усмонов 2014 йилдан бери Россияда солиқ тўловчи экани ва қўшалоқ солиқ солишнинг олдини олиш тўғрисидаги келишувга мувофиқ, у Германияда даромад солиғини тўлашга мажбур эмаслигини билдирганди.
Мактаб ва коллеж битирувчилари 1 йиллик ҳарбий хизматга жалб қилинади
Собиқ мудофаа вазири президент саройига бостириб киришни уюштиргани учун ҳибсга олинди
Индиялик кўча тозалагувчилар Петербургда қолишни исташмоқда
