Германия аҳолисининг бор-йўғи 40 фоизи (АfD) партиясини тақиқлашни қўллаб-қувватламоқда, кўпчилик эса бунга қарши

"Insa" социология институти томонидан ўтказилган сўнгги сўровнома натижаларига кўра, немисларнинг ўта ўнгчи "Германия учун муқобил" (АfD) партиясини тақиқлаш борасидаги фикрлари бўлиниб кетган. Мамлакат аҳолисининг 40 фоизи ушбу чорани қўллаб-қувватлашини билдирган бўлса, 45 фоизи бунга қарши чиқмоқда, яна 15 фоизи эса ҳали бир қарорга келмаган.

Бундан ташқари, респондентларнинг 42 фоизи сиёсий изоляция ва (AfD) билан ҳар қандай даражада ҳамкорлик қилишни рад этиш стратегиясини ёқлашини маълум қилган.

Социологларнинг маълумотларига кўра, сўровда қатнашганларнинг 39 фоизи бундай позицияни нотўғри деб ҳисоблайди, 19 фоизи эса жавоб беришга қийналган ёки аниқ фикр билдирмаган. 2021 йилнинг феврал ойидан буён (АfD) Федерал конституцияни ҳимоя қилиш бошқармаси (BfV) томонидан ўнг экстремизмда гумон қилинмоқда, бироқ ушбу иш бўйича суриштирувлар ҳали ҳам давом этяпти.

Шу билан бирга, сўнгги ойларда ўнг қанот популистлари ўз позицияларини мустаҳкамлаб, Германиядаги энг оммабоп партияга айланиб боряпти — немисларнинг деярли 30 фоизи уларга овоз беришга тайёр.

Аввалроқ Германия мудофаа вазири Борис Писториус (АfD) вакилларининг Россия президенти Владимир Путин билан яқин алоқалари борлигини важ қилиб, уларни махфий маълумотлардан фойдаланиш ҳуқуқига эга шахслар рўйхатидан чиқаришни таклиф қилган эди.