Ғазо сектори тақдири учун энг ҳал қилувчи масала — у ерда ким ҳокимиятни амалга оширади. Трампнинг тинчлик режасига кўра, ҲАМАС ҳокимиятдан воз кечиши керак. Бу амалга ошадими — Қатар, Туркия ва Миср қандай позиция эгаллашига боғлиқ. Ушбу мамлакатлар ҲАМАСга босим ўтказиши, ўз кучларини Ғазага жўнатиши ва секторни назоратга олиши мумкин. Шунда террористлар қуролсизлантирилиб, уларнинг етакчилари муҳожиратга юборилади.
Бироқ агар араб ва мусулмон давлатлари бу масалада етарлича сиёсий ирода кўрсатмаса, Ғаза Яқин Шарқдаги «порох бўчкаси» бўлиб қолади. Исроил учун ҲАМАС билан ярашиш жуда қийин бўлади, ва тинчлик келишуви шубҳа остига тушади. Исроил мудофаа вазири Исраэль Кац аллақачон ўлдирилган гаровдагилар жасадларининг кеч берилаётгани учун ҲАМАСни келишувни бузганликда айблади. Бош вазир Биньямин Нетаньяху эса ички босимга дуч келиши мумкин — уруш ҲАМАС тўлиқ йўқ қилингунигача давом этиши талаб қилинади.
Шу билан, BILD бош муҳаррири Пауль Ронцхаймер ва сиёсий шарҳловчи Филипп Пятов шундай хулоса чиқаради: АҚШ президенти Дональд Трампнинг иши ҳали якунланмаган. Агар жаҳон ҳамжамияти ҲАМАС Ғазада қайта куч тўплашига ва янги тоннеллар қазишига йўл қўйса, урушнинг янги босқичи фақат вақт масаласи бўлади: Исроил террористик ташкилотнинг қайта тикланишига йўл қўймайди.
Янгиланган Cobalt'нинг нархи эълон қилинди
Эрдўған туркий халқлар, жумладан ўзбекларнинг ҳаётини енгиллаштирмоқчи
Қирғизистон ҳам пойтахтини кўчирмоқчи
