Ғазо шимоли 21 кундан буён қамал ва оммавий бомбардимонлар остида қолмоқда

Исроил Ғазо секторида босқинчилик ва қирғинбарот урушини бошлаганига 385 кун бўлди. 24 соат давомида Ғазо сектори, Иордан дарёсининг Ғарбий соҳили ҳамда бутун Яқин Шарқ ҳудудида содир бўлган асосий воқеалар.

▪️Босқинчилар Хон Юниснинг Жабалия ва Байт Лаҳия лагерларига ҳужум қилишди. Бошидан бери 42 847 киши шаҳид бўлди.

▪️Газо шимоли 21 кундан буён қамал ва оммавий бомбардимонлар остида қолмоқда. Исроилнинг Жабалия лагеридаги 13 та турар-жой биносига берган зарбалари натижасида камида 150 киши ҳалок бўлди ва яраланди.

▪️Босқинчилар Ғазо шимолидаги Камал Адван касалхонасини танклардан ўққа тутди. Касалхонанинг асосий кислород станцияси вайрон бўлиб, бемор болалар ҳалок бўлди. Ярадорлар орасида шифокорлар ва беморлар ҳам бор.

▪️Ғазо фуқаролик мудофааси: ишғол кўчирилганлар ва маҳаллий аҳоли яшайдиган ҳудудларда ҳалокатли блокада яратди. Байт Лаҳия ва Жабалияда содир бўлаётган воқеалар фалокатдир.

▪️Босқинчилар Ливанга 12 марта зарба берди. Жумладан, журналистлар бўлган матбуот марказига зарбалар берилди. “Ал-Маядин” ва “Ал-Манар” телеканалларининг 3 нафар журналисти ҳалок бўлди.

▪️“Ҳизбуллоҳ” Исроига қарши 27 та ҳарбий амалиёт ўтказди. Зарбалар Сафад, Ҳайфа, Кирят Шмона, Акка шаҳарларидаги ҳарбий нишонларга берилган. Ливан билан чегарадаги босқинчи кучлар йўқ қилинди. 4 “Меркава” танки ишдан чиқарилди.

▪️48 соат ичида Ироқ исломий қаршилик кучлари Умм ал-Рашраш (ибронийча Эйлат)даги 15 та ҳарбий объектга ҳужум қилди.

▪️БМТ бош котиби: Ғазо шимолидаги гуманитар вазият бу даҳшатли даҳшат бошланганидан бери энг оғир ҳолат.

▪️ЖССТ директори: Исроилнинг Ливандаги уруши 100 дан ортиқ тиббиёт муассасаларининг ёпилишига олиб келди, бу мамлакатдаги умумий муассасалар сонининг учдан бир қисмини ташкил этади.

▪️ҲАМАС Ғазо шимолидаги қирғин ва этник тозалашни қоралаб, дунё халқларини "Ғазаб жумаси" акциясида иштирок этишга чақирди.

▪️Haaretz: Ливан жанубида “Ҳизбуллоҳ” жангчилари ер ости туннелларидан чиқиб, аскарларимизга гранаталар улоқтириши натижасида 4 аскаримиз ҳалок бўлди, 6 ярадоримиз бор. Кейинроқ ўлганлар сони 5 тага етгани маълум қилинди.

▪️Исроил армияси охирги 24 соат ичида энг камида 36 аскари ярадор бўлганини эълон қилди.