Исроил армияси Ғазо шаҳрига жанубдан келаётган ёрдам юк машиналарини кутаётган фаластинликларга ҳужум қилди. Ҳужум оқибатида камида 10 киши ҳалок бўлди, 15 киши яраланди.
Фаластиннинг расмий ахборот агентлиги WAFA маълумотларига кўра, Ғазо секторини шимолдан жанубга боғлайдиган қирғоқ чизиғидаги Рашид кўчасидаги Наблуси чорраҳаси билан 10-кўча ўртасидаги ҳудудда ёрдам юк машиналарини кутаётган ўн минглаб фаластинликлар Исроил аскарлари томонидан ҳужумга учраган.
Бу маълумотларга кўра, камида 10 нафар фаластинлик ҳалок бўлган, 15 нафари яраланган.
Ярадорлар Ғазо шаҳри ғарбидаги Шифа касалхонасига етказилди.
