G7 давлатлари Украинада ўт очишни тўхтатишга чақирди

G7 давлатлари Украинада зудлик билан ўт очишни тўхтатиш ва музокаралар ўтказиш зарурлигини эълон қилди.

Бу ҳақда G7 ташқи ишлар вазирларининг Канаданинг Онтарио шаҳрида бўлиб ўтган учрашуви якунлари бўйича қўшма баёнотида айтилган.

"Биз зудлик билан ўт очишни тўхтатиш зарурлигини таъкидлаймиз. Ҳозирги алоқа чизиғи музокаралар учун бошланғич нуқта бўлиши кераклигига розимиз”, — дейилади G7 раислигидаги Канада матбуот хизмати томонидан тарқатилган ҳужжатда.

G7 давлатлари, шунингдек, Украинани молиялаштириш, жумладан, музлатилган Россия активлари орқали ҳам муҳокама қилинди.

"Биз молиялаштиришнинг кенг доираси, жумладан, Украинани қўллаб-қувватлаш учун юрисдикцияларимизда иммобилизацияланган Россия суверен активларидан мувофиқлаштирилган ҳолда фойдаланиш бўйича давом этаётган муҳокамаларни қайд этдик", — дейилади баёнотда.

G7 шунингдек, Украинанинг энергетика инфратузилмасига "Россиянинг сўнгги тўғридан-тўғри ҳужумларини” қоралади ва мамлакат энергетика хавфсизлигини қўллаб-қувватлашини яна бир бор тасдиқлади.