""Катта еттилик" мамлакатлари раҳбарлари Эвиан-ле-Бендаги саммитда Россияга босимни кучайтиришга, жумладан, нефт ва газ экспортига қарши янги санкциялар жорий этишга келишиб олдилар", — деб хабар бермоқда Financial Times.
Унинг сўзларига кўра, консенсусга Украинага бағишланган ва унда Зеленский ҳам иштирок этган сессияда эришилган.
Бундан олдинроқ Трамп Эрон билан битим имзоланиши ва Хўрмуз бўғозининг очилиши Россия нефтига қарши санкцияларнинг қайтиши учун шароит яратишини маълум қилди.
"Яқин орада биз буни амалга ошира оламиз, чунки нефт ҳозирда эркин оқмоқда", — деди Трамп Хўрмуз бўғозининг очилишини шарҳлар экан.
Франциялик манбанинг сўзларига кўра, Эрон тинчлик битими энергия ташувчилар нархини пасайтиришга аллақачон ёрдам бергани G7 мамлакатларига Россияга қарши санкциялар бўйича консенсусга эришишни осонлаштирган.
Бугун Буюк Британия ва Канада чекловларни четлаб ўтиб нефт ва газ ташувчи Россиянинг "соядаги флоти"га қарши янги санкцияларни эълон қилди. Лондон Россия ҳарбий разведкасига қарши чоралар жорий этмоқда.
Украина, шунингдек, АҚШдан ўз ҳудудида Patriot ракета-тутувчиларини ишлаб чиқариш учун лицензия олишга ҳаракат қилмоқда.
"Устуворликлар аниқ: Ҳаво ҳужумидан мудофаа ракеталари сонини кўпайтириш ва уларни ишлаб чиқариш учун лицензиялар бериш, қиш учун қўллаб-қувватлаш пакети ва Россияга босимни кучайтириш. АҚШ ушбу йўналишларда кўмакни таъминлашга тайёрлиги муҳим", – деб ёзди кўп томонлама учрашув якунлари бўйича Украина президенти Зеленский.
Ўзбекистон — Колумбия ўйини учун чипталар сотуви рекорд даражага чиқди
Сўнгги 140 йилдаги энг кучли Эл-Нино ҳодисаси яқинлашмоқда. Бу бутун дунёдаги об-ҳавога таъсир қилиши мумкин
АҚШда ҳам тўй қилаётганлар ақлдан озмоқда
