Футболда тезлик бўйича жаҳон рекорди янгиланди

"Санта Клара" ўйинчиси жаҳон тезлиги рекордини янгилади.

Шанба куни Португалия чемпионати доирасида "Санта Клара" ўз уйида "Фамаликан"ни 2:1 ҳисобида мағлуб этди.

Иккинчи бўлимга қўшиб берилган вақтда мезбонлар ҳужумчиси Габриэль Силва спринт пайтида 40,3 км/соат тезликка эришди.

Рақамлар STATSports GPS маълумотлари ёрдамида қайд этилган.

Клуб баёнотига кўра, футболчи "Ньюкасл" марказий ҳимоячиси Свен Ботманни (39,21 км/соат тезлик) ортда қолдириб, янги жаҳон рекордини ўрнатди.