Россия Федерал хавфсизлик хизмати (ФСБ) Украина томонида жанг қилганликда гумонланаётган Швеция фуқароси Фредди Лингольм қўлга олинганини маълум қилди.
ФСБ маълумотларига кўра, у Украина Қуролли кучлари сафида дронлар бўлинмаси командири сифатида жангларда иштирок этган. Эркак Псков вилоятида Россия давлат чегарасини ноқонуний кесиб ўтиш вақтида қўлга олинган.
ФСБ ходимларининг таъкидлашича, уларда ушбу шахснинг «мамлакатимизга қарши Украина Қуролли кучлари таркибида жангларда иштирок этганини тасдиқловчи ҳужжатлар мавжуд».
Ҳозирда унга нисбатан «террорчилик ташкилоти фаолиятини ташкил этиш» ҳамда можарода «ёлланма жангчи» сифатида иштирок этиш гумонлари бўйича тергов олиб борилмоқда.
«Россия Қуролли кучлари сафига қўшилиш баҳонасида у ҳарбий объектларга қарши қўпорувчилик ва террорчилик ҳаракатларини амалга ошириш мақсадида Россия Федерациясига келган», — дея маълум қилди ФСБ.
MrBeast: “Ўзбекистонда мухлисларим шу қадар кўпки, балки кетишимизга тўғри келар”
Германия Россия билан дизель ёқилғиси етказиб бериш бўйича келишув тузишни таклиф қилди
АҚШ Россия нефтни қайта ишлаш заводларига қилинган зарбалар туфайли Украинага қурол етказиб беришни тўхтатиш билан таҳдид қилмоқда
