Францияда шампаннинг алкогол миқдорини оширишга биринчи марта рухсат берилди

Ўтган ёздаги рекорд даражадаги иссиқ шампаннинг алкогол миқдорига таъсир қилади.

Францияда шампаннинг рухсат этилган алкогол миқдорини вақтинча 13 фоиздан 15 фоизгача оширишга биринчи марта рухсат берилди. Бунга Шампань минтақасида бу ёзда кузатилган кучли иссиқлик ва қурғоқчилик сабаб бўлган. Бу ҳақда BBC хабар берди.

Иссиқ ҳаво туфайли узумда одатдагидан анча кўп шакар тўпланган. Шу сабабли ҳосил йиғиш вақтидаёқ узумнинг эҳтимолий алкогол даражаси юқори бўлган. Ишлаб чиқарувчилар иккинчи ферментациядан сўнг айрим виноларда алкогол миқдори 13,1–13,2 фоизга етиши мумкинлигини кутмоқда.

2026 йил шампан ишлаб чиқариш тарихи учун эҳтимол, тарихий йил сифатида баҳоланмоқда. Илк узум бошоқлари август ойининг бошида йиғила бошланган. Бу минтақа тарихидаги кузатувлар давридаги энг эрта ҳосил ҳисобланади.

Бунга баҳордаги кучли совуқлар, жуда эрта гуллаш ва ёз давомида кузатилган бешта экстремал иссиқлик тўлқини таъсир қилган.

Шароб ишлаб чиқарувчилар ҳосил миқдори кам бўлишига қарамай, унинг сифати айниқса юқори бўлишини кутмоқда.

2026 йил ҳосилидан тайёрланган шампан савдога 2028 йилдан олдин чиқмайди, чунки ичимлик камида 15 ой давомида етилиш жараёнидан ўтиши керак.