Францияда президент Эммануэль Макроннинг ижтимоий-иқтисодий сиёсатига қарши кенг кўламли норозилик намойишлари бошланди.
Ижтимоий тармоқларда “Ҳаммасини тўхтат” шиори билан тарқалган чақириқлардан кейин Париж, Лион, Ренн ва бошқа шаҳарларда юзлаб намойишчилар кўчаларда тўпланди. Улар айрим йўллар ва жамоат транспорти қатновини тўсди.
Ренн шаҳрида айланма йўлларда баррикадалар қўйилиб, уларга олов қўйилди. Шаҳарда автобус ҳам ёқиб юборилган. Лионда эса чиқиндилар қутиси трамвай йўлларига ағдарилиб, ёқиб юборилган.
Полиция маълумотларига кўра, мамлакат бўйлаб 85 киши, шу жумладан Парижда 75 киши ҳибсга олинган. Хавфсизлик кучлари айрим жойларда кўздан ёш чиқарувчи газ ишлатган.
Тахминларга кўра, умуммиллий намойишларда 100 мингга яқин инсон иштирок этади.
"UzAuto Motors" 8 та янги модел чиқармоқчи
Жазоир Исроилдан қўрқмайдими?
Исроил Қатардан кейин қайси давлатга ҳужум қилиши мумкинлиги айтилди
