Йил бошидан бери кузатилган учта экстремал иссиқлик тўлқини ўлимлар сонининг кескин ошишига олиб келди. Июль ойида иссиқликдан вафот этганларнинг аксарияти 75 ёшдан ошганлар бўлган.
Францияда йил бошидан бери кузатилган бир неча ғайриодатий иссиқлик тўлқини фонида 7,3 мингдан ортиқ ортиқча ўлим қайд этилди. Бу ҳақда мамлакат Миллий жамоат саломатлиги агентлиги маълумотлари далолат бермоқда.
24–28 май кунлари кузатилган биринчи иссиқлик тўлқини камида 300 та қўшимча ўлимга сабаб бўлди. Энг оғир оқибатлар 17–30 июнь кунларига тўғри келди — бу даврда ортиқча ўлимлар сони 5764 нафарга етди. 3–22 июль кунлари давом этган иссиқлик пайтида яна 1243 та ортиқча ўлим қайд этилди. Бу даврда вафот этганларнинг қарийб тўртдан уч қисми 75 ёш ва ундан катта бўлган.
Ортиқча ўлим кўрсаткичи экстремал иссиқлик даврида амалда қайд этилган ўлимлар сони билан одатий шароитларда кутилиши мумкин бўлган ўлимлар сони ўртасидаги фарқ сифатида ҳисобланади. Шу тариқа иссиқлик ва бошқа фавқулодда ҳодисаларнинг аҳоли саломатлигига таъсири баҳоланади.
Бу йил Франция метеорологик кузатувлар бошланган 1900 йилдан бери энг иссиқ июль ойини бошдан кечирди. Ойлик ўртача ҳарорат 24,9 даражага етди.
Шу билан бирга, июль ойида ёғингарчилик танқислиги 70 фоизни ташкил қилди. Ой бутун кузатувлар тарихи давомидаги энг қуруқ июль ойлари орасида учинчи ўринни эгаллади.
Экстремал иссиқлик ва қурғоқчилик ўрмон ёнғинлари хавфини ҳам сезиларли даражада оширди. Мамлакат тарихидаги энг йирик ёнғинлар мавсуми натижасида йил бошидан бери Францияда 117 минг гектардан ортиқ ҳудуд ёниб кетди.
Тошкентдаги мусобақада Исроил байроғини кўрсатгани учун исроиллик ўқувчининг олтин медали бекор қилинди
Республикадаги учта 11-синфнинг барча битирувчилари талаба бўлди
АҚШ элчиси дунё бошқарувини яҳудийларга бериш таклифи билан чиқди
