Франциялик яҳудийларнинг 92 фоизи Францияда 7 июль куни бўлиб ўтган парламент сайловларининг иккинчи босқичида ғалаба қозонган сўл қанот «Янги халқ фронти» коалицияси мамлакатда антисемитизмнинг кучайишига «ҳисса қўшган» деб ҳисоблайди. Бу ҳақда Америка яҳудий қўмитасининг (AJC) Европадаги сўров натижаларига таяниб, The Times of israel нашри ёзмоқда.
Бу фикр юқорида қайд этилган коалициянинг сайлов кампанияси вақтида Фаластин давлатини зудлик билан тан олиш, исроилга қурол етказиб беришни тўхтатиш ва Нетаняху ҳукуматига қарши санкциялар қўллаш ҳақидаги чақириқларидан кейин шаклланди.