Франция ташқи ишлар вазири Украинани қўллаб-қувватлашда «қизил чизиқлар» йўқлигини айтди

Жан-Ноэл Барро BBC га берган интервьюсида Украина «ўзини ҳимоя қилиш мақсадида» Россияга нисбатан франтсуз узоқ масофали ракеталарини учириши мумкинлигини айтди, бироқ француз қуроллари аллақачон қўлланилганлигини тасдиқламади.

«Принцип белгиланди... Президент Зеленскийга қилган хабарларимиз яхши қабул қилинди», деди у.

Франция президенти Макрон Франция ўз ракеталарини Россияга учирилишига рухсат беришга тайёрлигини билдирди. Аммо Барронинг изоҳлари муҳим, чунки улар АҚШ ва Буюк Британиянинг узоқ масофали ракеталари биринчи марта қўлланилганидан бир неча кун ўтиб келган.

Лондонда Ташқи ишлар вазири Девид Ламми билан музокаралар олиб борган Барронинг айтишича, Ғарб иттифоқчилари Украинага қўллаб-қувватлашни чекламасликлари ёки қизил чизиқлар белгиламасликлари керак.

Бу ҳатто франтсуз қўшинларининг ҳарбий ҳаракатларда иштирок этишини англатиши мумкинми, деган саволга у шундай жавоб берди: «Биз ҳеч қандай вариантни истисно қилмаймиз».

«Биз Украинани қанчалик интенсив ва қанча вақт керак бўлса, қўллаб-қувватлаймиз. Нега? Чунки бизнинг хавфсизлигимиз хавф остида. Россия армияси ҳар гал бир квадрат километр олдинга силжиганида, таҳдид Европага бир квадрат километр яқинлашади», - деди у.