Франция ташқи ишлар вазири 9 май куни Киевга ташриф буюради

Франция ташқи ишлар вазири Жан-Ноэль Барро 9 май куни Киевга ташриф буюришни режалаштирмоқда. Бу ҳақда у LCl телеканалида баёнот берди.

"Мен у ерда албатта бўламан", деб ваъда берди Барро.

Эслатиб ўтамиз, аввалроқ Украина президенти Владимир Зеленский Ғарб етакчиларини 9 май куни Киевга келишга чақирган эди.

Бундан ташқари, у бу баёнотни Россиянинг Улуғ Ватан урушидаги Ғалабанинг 80 йиллигини нишонлашга тайёрланаётгани фонида айтди.

Баррога келсак, у аввалроқ Россияга қарши энг қаттиқ санкцияларни жорий этишга чақирган.