Франция Руминиянинг сўровига биноан Қора денгизнинг ғарбий қисмида кузатув олиб бориш ва муҳим инфратузилма объектларини ҳимоя қилиш мақсадида Atlantique 2 денгиз разведка самолётини юборди.
Бу ҳақда Руминия Мудофаа вазирлиги матбуот хизмати маълум қилган.
Вазирлик маълумотларига кўра, Франция ҳарбий-денгиз кучларига тегишли самолёт мамлакат жануби-шарқида жойлашган Михаил Когэлничану номидаги 57-ҳаво базасига жойлаштирилган.
Разведка парвозлари 18 октябрдан 6 ноябргача бўлган даврга режалаштирилган. Миссия давомида самолёт Қора денгизнинг ғарбий қисмида кузатув ва разведка ишларини амалга оширади.
«Франция ҳарбий-денгиз кучлари разведка самолёти парвозларининг мақсади — денгиз қатнови учун мавжуд таҳдидларни аниқлаш ва Руминиянинг истисно иқтисодий зонасида муҳим инфратузилма объектлари ҳимоясини кучайтиришдан иборат», — дейилади хабарда.
Руминия Мудофаа вазирлиги аниқлик киритишича, парвозлар «Вице-адмирал Иоан Жоржеску» ҳарбий-денгиз бўлинмаси қўмондонлиги кўмагида, Денгизда қутқарув ишларини мувофиқлаштириш маркази билан ҳамкорликда режалаштирилади ва мувофиқлаштирилади.
Сунъий интеллект дунёдаги энг қиммат сурат муаллифлигини шубҳа остига қўйди
Ўзбекистон Самарқанд ҳақидаги баёнотлар сабаб Эронга норозилик нотаси топширди
Дунёдаги энг йирик йўловчи самолёти Москвага қўна олмаяпти — ОАВ
