Франция норозилик намойишларини бостириш учун 13 мингдан ортиқ полициячини жалб қилган

Франция ҳукумати мамлакатдаги норозилик намойишларини бостириш учун 13 мингдан ортиқ полициячини жалб қилган.

Ички ишлар вазири Жеральд Дарманеннинг сўзларига кўра, ҳукумат бутун мамлакат бўйлаб 13 минг нафаргача полиция ва жандармни, жумладан, Парижда 5,5 минг нафар полициячини жойлаштирган. Намойишчилар сони ўтган ҳафтадаги митингларга нисбатан камайиб бормоқда, аммо норозиликлар оммавийлигича қолмоқда.

Ички ишлар вазирлиги бутун мамлакат бўйлаб намойишчилар сонини 740 минг киши деб ҳисоблаган.