“FIRST Global Challenge” ғолиблари ва уларнинг мураббийлари давлат мукофотлари билан тақдирланди

Ўзбекистон Республикаси Президентининг 2026 йил 13 октябрдаги Фармонига мувофиқ, Корея Республикасининг Инчхон шаҳрида ўтказилган “FIRST Global Challenge” халқаро робототехника мусобақасида жаҳон чемпиони бўлган Ўзбекистон терма жамоаси аъзолари ва уларнинг мураббийлари давлат мукофотлари билан тақдирланди.

Дунёнинг 190 га яқин мамлакати ёшлари иштирок этган нуфузли мусобақада рекорд натижа қайд этиб, тарихий ғалабани қўлга киритган жамоа ўзининг юксак интеллектуал салоҳияти, муҳандислик маҳорати ва замонавий технологиялар соҳасидаги билимларини намоён этди.

“Содиқ хизматлари учун” медали билан:

• Бўтахонов Зиёдулла Зойиржон ўғли — Ўзбекистон робототехника терма жамоаси бош мураббийси.

“Келажак бунёдкори” медали билан:

• Саломов Иброхим Уктамович — терма жамоа сардори;
• Абдужабборов Абдуллох Абдуғофур ўғли — техник мураббий;
• Акбаров Шохрухбек Аъзамжон ўғли — терма жамоа аъзоси;
• Косимов Акбаршох Анвар ўғли — терма жамоа аъзоси;
• Мирахмедов Аюбхон Анвар ўғли — терма жамоа аъзоси;
• Пардаев Умарбек Шерзод ўғли — терма жамоа аъзоси;
• Содиқов Шукрулло Шерали ўғли — терма жамоа аъзоси;
• Тешабаев Махкамбек — терма жамоа аъзоси;
• Тешабаева Сафина — терма жамоа менежери;
• Тожиқўзиев Жасурбек Рустамжон ўғли — терма жамоа аъзоси;
• Урманов Баходир Дониёрович — терма жамоа аъзоси;
• Урманов Хондамир Дониёрович — терма жамоа аъзоси;
• Юсупхўжаев Ҳасанхон Алишер ўғли — терма жамоа менежери.

Ушбу мукофотлар ёшларни илм-фан, илғор технологиялар, ихтирочилик ва инновацияларга кенг жалб этиш, уларнинг интеллектуал салоҳиятини ривожлантириш ҳамда Ватанга муҳаббат ва миллий ғурур туйғуларини юксалтириш йўлидаги хизматларнинг эътирофидир.

Жаҳон майдонида Ўзбекистон шарафини муносиб ҳимоя қилган ғолиблар ва уларнинг мураббийларини ушбу юксак эътироф билан табриклаймиз!