Фирибгарлик можаросига алоқадор бўлган Еврокомиссия ходими нафақага чиқди

Европа Комиссиясининг Яқин Шарқ, Шимолий Африка ва Форс кўрфази бўйича Бош директорати раҳбари Стефано Саннино Европа Иттифоқининг Ташқи ҳаракатлар хизмати доирасидаги фирибгарлик можароси фонида эрта нафақага чиқиш тўғрисида билдиришнома тақдим этди.

Бу ҳақда Европа ҳисоботлар бюроси Euractiv интернет нашрига таяниб хабар берди.

С. Саннино Бельгия полицияси томонидан Европа Иттифоқи маблағларини нотўғри ишлатиш бўйича тергов доирасида қўлга олинган ва сўроқ қилинганидан сўнг истеъфога чиқишини маълум қилган.

Расмий дирекция ходимларига унинг Европа Иттифоқи Дипломатик хизмати Бош котиби лавозимида ишлаган вақтида амалга оширилган лойиҳа билан боғлиқ ҳолда ҳибсга олингани ва сўроқ қилинганини тасдиқловчи хабар юборди. У ҳеч қандай қонунбузарликни инкор этди ва вазиятга ойдинлик киритилишига ишонч билдирди.

Саннино, Бош директорлик фаолиятини ҳимоя қилиш учун истеъфога чиқишни топширганини ва ўз вазифаларини "давом этишни" ўринли деб ҳисобламаганини таъкидлади. У декабрь охирида истеъфога чиқишини маълум қилди.

“Бош дирекция ўз фаолиятига эътибор қаратиши ва биз ишлаб чиққан улкан кун тартибини амалга ошириши керак”, — деб ёзади расмий.