Финляндия 14 декабр куни Россия Федерацияси билан чегарада назорат-ўтказиш пунктларини очишга тайёрланмоқда.
Финляндия чегара хизмати вакили Хайки Аҳтиайненнинг Yle нашрига маълум қилишича, чегарачилар тўсиқларнинг бир қисмини қолдирадилар, чунки улар назорат-ўтказиш пунктини яна ёпишга тўғри келишини истисно қилмаяпти.
"Агар чегаралар очилса, қочоқлар оқими давом этадими ёки йўқлигини аниқлашимиз керак", — дея маълум қилди Аҳтиайнен. "Финляндия чегара хизмати мамлакатнинг шарқий чегарасидаги чекловларни узайтиришга тайёр", — дея қўшимча қилди у.
Аввалроқ Финляндия Россия ҳудуди орқали Африка ва Яқин Шарқдан қочоқларнинг катта оқими туфайли Россия билан қуруқлик чегарасини бутунлай ёпган эди.
