Бу ҳақда Эрон футбол федерацияси президенти Меҳди Тож маълум қилди.
"Жаҳон чемпионатида иштирок этувчи барча мамлакатлар терма жамоаларининг тайёргарлик базалари FIFA томонидан тасдиқланиши шарт. Бахтимизга, биз тақдим этган сўровлар ҳамда FIFA ва Жаҳон чемпионати расмийлари билан ўтказилган учрашувлардан сўнг, жамоамиз базасини Қўшма Штатлардан Мексикага кўчириш ҳақидаги илтимосимиз маъқулланди. Биз Тинч океани яқинида, Мексика ва АҚШ чегарасида жойлашган Тихуана шаҳридаги базага жойлашамиз", — деди Меҳди Тож.
Аввалроқ Le Parisien газетаси Эрон футбол федерацияси Жаҳон чемпионатида иштирок этиш учун FIFA'дан кафолатлар талаб қилгани ва 10 та шарт қўйганини, улар орасида визалар берилиши, ходимларга, Эрон байроғи ҳамда миллий мадҳиясига нисбатан ҳурмат кўрсатилиши каби талаблар борлигини маълум қилган эди.
Эрон 57 та мусулмон давлатидан иборат “Ислом NATOси” ни тузишга чақирди
Украина аҳолиси 22–25 млн кишигача камайди
Путин ўзини уйидагидек ҳис қилди: Хитойда янги ҳештег тарқалди
