Жиноят ишлари бўйича Фарғона шаҳар суди қасддан одам ўлдириш ва босқинчилик жиноятларини содир этган шахсни 17 йил муддатга озодликдан маҳрум қилиш жазосига ҳукм қилди. Бу ҳақда Олий суд Матбуот хизмати хабар қилди.
Маълум бўлишича, 1990 йилда туғилган судланувчи у ижтимоий тармоқдаги ўйин учун яқинларидан қарз олиб, пулларни ўз вақтида қайтара олмайди. Шу сабабли, танишлардан олган қарзларини қайтариш мақсадида ўзига яқин бўлган ҳудуддаги хонадонга тунда ўғирликка тушади.
Шу пайт уйда уч нафар вояга етмаган фарзандлари билан ухлаб ётган аёл уйғониб кетади. Судланувчи ўзи билан олиб келган ўткир тиғли жисм билан аёлнинг ҳаётига нуқта қўяди. Жабрланувчи воқеа жойида вафот этади.
Суд ҳукмига кўра, судланувчи Жиноят кодекси"нинг 97-моддаси 2-қисми "ж" банди ва 164-моддаси 3-қисми "а" бандида назарда тутилган жиноятларни содир этганликда айбли деб топилиб, унга Жиноят кодексининг 59-моддаси 3-қисми тартибида тайинланган жазоларни қисман қўшиш йўли билан 17 йил муддатга озодликдан маҳрум қилиш жазоси тайинланди.
“Малика”да 23 ёшли йигит 6 миллиард сўмлик фирибгарлик қилди
Украина махсус хизматлари давлат ичидаги “рус кўрсичқон”ни қўлга туширди!
Ўзбекистонликларни келаётган ҳафта бошида қандай об-ҳаво кутмоқда?
