Дон баҳоси индекси қиймати 3 фоиз камайди. Бунга қисман Aргентинада фермер хўжаликлари кўпайиши, AҚШ, Aргентина ва Aвстралияда мавсумий таклиф ўсиши ва давом этаётган шиддатли рақобат туфайли буғдой нархи кескин тушиши сабаб бўлди.
2023 йил глобал дон етиштириш 2,823 миллион тоннани ташкил этиши тахмин қилинмоқда. Бу 2021 йилдаги рекорддан 10,3 миллион тонна юқори.
Ноябрь ойида ўсимлик мойи нархи индексининг қиймати, уч ойлик доимий пасайишдан сўнг, октябрга нисбатан 3,4 фоиз ошди. Палма ва кунгабоқар ёғи жаҳон нархининг ошиши соя ва колза мойи котировкаси пасайишини қоплади.
Октябрь ойидан бошлаб сут маҳсулотлари нархи индекси 2,2 фоиз ошди. Ўсиш кетма-кет иккинчи ой давом этмоқда, аммо бу қиймат ўтган йилнинг мос даврига нисбатан 16,9 фоиз паст.
Сариёғ ва ёғсиз сут кукунига жаҳон нархи ўсиши Шимолий-Шарқий Осиёдан импорт талаби юқорилиги, чекланган етказиб бериш ва Ғарбий Европада қишки таътил олдидан ички талаб ортиши билан боғлиқ.
Ноябрь ойида гўшт нархи индексининг ўртача кўрсаткичи октябрь ойига нисбатан бир оз паст бўлди. Парранда, чўчқа ва мол гўшти нархи бироз тушишини акс эттирди. Бу ҳолат ишлаб чиқариш ва етказиб бериш юқорилиги билан изоҳланади.
Ноябрь ойида шакар нархи индексининг ўртача қиймати 1,4 фоиз ўсиб, 2022 йилнинг шу даврига нисбатан 41,1 фоиз кўпайди. Шакар нархида қайд этилган ўсиш, асосан, жорий мавсумда, эҳтимол, Ал-Нинё ҳодисаси туфайли юзага келган кучли қурғоқчилик туфайли экспорт таклифи қисқариши кутилаётгани билан боғлиқ.
