Фаластинлик она: "Қамоқхонадан бошқа қаерда бўлса ҳам майли"

Рамаллоҳда Мариам Увайс ўғиллари Исроил қамоқхонасидан озод этилганидан сўнг, ўзининг аралаш ҳис-туйғулари ҳақида сўзлади.

Икки ака-ука умрбод қамоқ жазосига ҳукм қилинган эди. Бироқ, уларнинг бири босиб олинган Ғарбий қирғоққа қўйиб юборилди, иккинчиси эса сургун қилинади.

"Мен уларнинг иккаласи ҳам уйга қайтишига умид қилгандим," деди Увайс. Аммо у қўшимча қилди: "Ҳеч бўлмаганда иккаласи ҳам қамоқ кишанларидан озод бўлади."

Унинг айтишича, агар иккаласи ҳам уйга келганда, она сифатида унга осонроқ бўларди, аммо ўғлининг сургун қилиниши яхшироқ. "Қамоқхонадан бошқа қаерда бўлса ҳам майли," деди у.