Фабио Каннаваро: «Ўзбекистон халқини фахрлантира оладиган жамоа бўлишимиз керак»

Ўзбекистон миллий жамоаси бош мураббийи Фабио Каннаваро ўз Instagram саҳифасида Жаҳон чемпионати-2026 қуръасига муносабат билдирди.

«Биз ва қолганлар. Вашингтон шаҳрида бўлиб ўтган Жаҳон Чемпионати қуръаси жараёнида менинг бошимда фақат битта фикр бор эди — Ўзбекистон.

Рақибларимиз номлари эълон қилинмасидан олдин мен ўзимиз ҳақимизда ўйладим. Қуръа ташланаётганда ҳам ўз ҳақимизда ўйладим. Қуръа натижалари маълум бўлгач ҳам, яна ўз ҳақимизда ўйладим.

Чунки бу — Жаҳон чемпионатидаги илк иштирокимиз бўлади. Биз эса ҳар бир куч-қувват, ҳар бир имкониятдан унумли фойдаланиб, Ўзбекистон халқини фахрлантира оладиган жамоа бўлишимиз керак.

Биз Португалия, Колумбия ва учинчи рақиб — Янги Каледония, Ямайка ёки Конго бўлишидан қатъи назар — барчага ҳурмат билан ёндашамиз. Лекин энг аввало, биз ўзимизга ва ўз мухлисларимизга нисбатан катта ҳурмат билан майдонга тушамиз.

Ҳисоблагич ишга тушди», - деб ёзди италиялик машҳур мутахассис.

Ўзбекистон K гуруҳида Португалия, Колумбия ва Конго/Янги Каледония/Ямайка билан гуруҳдан чиқиш учун курашади.