АҚШ президенти Доналд Трамп Украинадаги урушни тугатиш бўйича музокаралар учун барча имкониятлар фақат ўзида эканлигини таъкидлаётган бир пайтда, Европа Иттифоқи 200 миллиард евролик "махфий қурол"га эга эканлиги ҳақида Politico хабар бермоқда.
Бу Россиянинг музлатилган активлари бўлиб, асосан Брюсселдаги Euroclear'да сақланмоқда. ЕИ раҳбарлари ўртасидаги келишмовчиликларга қарамай, улардан фойдаланиш имкониятини кўриб чиқишмоқда.
АҚШ Россия активларининг атиги 5 миллиард долларини назорат қилмоқда. Европалик сиёсатчиларнинг фикрича, агар АҚШ ўз ёрдамини камайтирадиган бўлса, активларни муздан чиқариш Украинага кўмак бериши мумкин.
Эстония ташқи ишлар вазири Маргус Цахкна бу маблағлар Америка ёрдами ўрнини боса олишини таъкидлади.
Бироқ, Франция, Германия ва Италия каби айрим Европа Иттифоқи давлатлари музлатилган активлардан фойдаланиш инвесторларни чўчитиши ва Европа Иттифоқининг музокара мавқеини заифлаштиришидан хавотирда. Франция президенти Эммануэль Макрон активларни музлатиш муҳимлигини, бироқ уларни мусодара қилиш ноқонуний бўлиши мумкинлигини таъкидлади.
Россияликлар рекорд суръатда ўлмоқда
Наврўзда Ўзбекистон аҳолиси неча кун дам олади?
Россия ва Украина келишувга эришди
