Европанинг энг кучли 16 жамоаси: Англия клублари сони бўйича мутлақ етакчи

Чемпионлар лигасининг 1/8 финалига йўл олган барча иштирокчилар номи аниқланди.

Ушбу босқичда энг кўп вакил Англияга тегишли бўлади: «Челси», «Арсенал», «Тоттенхэм», «Манчестер Сити», «Ньюкасл» ва «Ливерпуль». Испаниядан учта жамоа («Реал», «Барселона», «Атлетико»), Германиядан эса иккита жамоа («Бавария» ва «Байер») иштирок этади.

Италия шарафини «Аталанта», Францияни «ПСЖ», Туркияни «Галатасарой», Норвегияни «Будё-Глимт», Португалияни эса «Спортинг» жамоалари ҳимоя қилади.