Европаликлар Украинага хавфсизлик кафолатлари бўйича “асосий юкни” ўз зиммаларига олишлари керак

"Бу уларнинг қитъаси, бу уларнинг хавфсизлиги. Президент Трамп ҳам улар ўз саъй-ҳаракатларини кучайтириши кераклигини аниқ айтди", — деди АҚШ вице-президенти Жей Ди Вэнс Fox News телеканалига берган интервюсида.

Қўшма Штатлар вице-президентининг интервюсидан асосий иқтибослар:

◾️ АҚШ ва унинг иттифоқчилари ҳанузгача Украинага хавфсизлик кафолатлари устида ишламоқда, аммо улар ҳали якуний келишувга эришмаган;

◾️ Қўшма Штатлар томонларнинг нимага эҳтиёжи борлигини аниқ тушунмагунча, Украинага хавфсизлик кафолатлари бўйича ҳеч қандай мажбуриятни ўз зиммасига олмайди;

◾️ Путин Аляскадаги музокараларда ўзини ўта мулоҳазали тутди, Россиянинг манфаатларини ҳимоя қилди ва кутилганидан юмшоқроқ оҳангда гапиради;

◾️ Европа етакчилари АҚШ президенти билан Оқ уйда ўтказилган учрашувда Трамп музокаралардан сўнг Путинга қўнғироқ қилишини умуман кутмаган эди;

◾️ Украина бўйича тинчлик келишуви асослари Путин ва Зеленскийнинг учрашувидан олдин ҳам мувофиқлаштирилиши мумкин;

◾️ Киев хавфсизлик кафолатларини талаб қилмоқда, Москва эса маълум бир ҳудудларни истайди, уларнинг аксарияти ҳозирда Россия армияси назорати остида.