Европа Комиссияси президенти: "Урушни узайтириш Россияга қимматга тушади"

Россиянинг Украинага қарши уруши қанчалик узоқ давом этса, якунда Москва учун шунчалик қимматга тушади.

Бу ҳақда Европа Комиссияси президенти Урсула фон дер Ляйен Лондонда "хоҳловчилар коалицияси" ва Украина президенти Владимир Зеленский ўртасидаги учрашув якунлари бўйича баёнот берди.

Товон тўлаш бўйича кредит таклифи, гарчи тузилиши жиҳатидан мураккаб бўлса-да, пировардида айнан шу мақсадни кўзлайди – Россия учун уруш харажатларини ошириш: "Шунинг учун Россия раҳбари Владимир Путин қанча узоқ уруш олиб борса, одамларнинг ҳаётига зомин бўлса ва Украина инфратузилмасини вайрон қилса, Россия учун харажатлар шунчалик юқори бўлади".

Фон дер Ляйеннинг сўзларига кўра, Европанинг ҳимояси ўз масъулияти. Шу боис мудофаага тайёргарлик бўйича йўл харитаси ва умумевропа флагман лойиҳаларини амалга ошириш бўйича ишлар олиб борилмоқда.

"Украина Европа Иттифоқи мамлакатлари томонидан тақдим этилган 19 та SAFE режаларининг 15 тасига аллақачон киритилган. Гап нафақат пул билан боғлиқ - Украина жанг майдонида оғир сабоқларни ўрганмоқда, биз ҳам у билан бирга ўрганяпмиз. Мудофаа саноат базаларини бирлаштириб, биз бугун ва эртанги кун учун кучли тўхтатувчи омил яратмоқдамиз", деди у.

"Барчамиз нима хавф остида эканлигини тушунамиз ва вақтни беҳуда сарфлашга ҳожат йўқлигини биламиз. Молиявий ёрдам кўрсатиш Украинанинг мустаҳкамлигини кафолатлашга ёрдам беради ва Европа мудофаасининг муҳим қисмидир", дейилади баёнотда.

ЕК раҳбарининг сўзларига кўра, у "хоҳловчилар коалицияси" йиғилишини иккита асосий ҳаракат ҳақида маълумот берган: Украинани қўллаб-қувватлаш ва Европанинг мудофаа тайёргарлигини ошириш.

"Европа ва унинг иттифоқчилари Россияни музокаралар столига ўтказиш учун босимни кучайтириш учун воситалар ва қарорга эга", деди фон дер Ляйен.