Европа Кенгаши Еврокомиссиянинг 2028 йилдан бошлаб Россия газини харид қилишни тақиқлаш ҳақидаги таклифини маъқуллади

Бу ҳақда Politico хабар бермоқда.

"Унга кўра Россия газини импорт қилиш 2026 йил 1 январдан тақиқланади, аммо амалдаги шартномалар учун ўтиш даври сақланиб қолади. Узоқ муддатли шартномалар 2028 йил 1 январгача амал қилиши мумкин. Шу боис тўлиқ тақиқ 2028 йил 1 январдан бошлаб кучга киради", дея ёзмоқда нашр.

Шунингдек, Европа Кенгаши 2026 йил 1 январдан бошлаб Россия газининг Европа Иттифоқи ҳудуди орқали бошқа мамлакатларга транзитини тақиқлаш қарорини ҳам тасдиқлади.