Европа Иттифоқи Хитойдан импорт ҳажмининг кескин ошиши ва бу Европа саноатига босимни кучайтириши сабабли Пекинга нисбатан савдо сиёсатини қатъийлаштирмоқчи. Бу ҳақда Польша халқаро муносабатлар институти (PISM) маълум қилди.
2025 йилда Европа Иттифоқининг Хитой билан савдодаги тақчиллиги рекорд даражага — 360 миллиард еврога етган. Шу муносабат билан Европа етакчилари савдони ҳимоя қилиш механизмларидан фаолроқ фойдаланиш ва янги чораларни ишлаб чиқишга келишиб олган.
Жумладан, айрим экспортчиларнинг Европа Иттифоқи ягона бозорига киришини тезкор чеклаш имконини берувчи механизмни жорий этиш режалаштирилмоқда. Европа комиссияси декабрь ойида айрим етказиб берувчиларга қарамликни камайтиришга қаратилган DiversifyEU ташаббусини тақдим этиши кутилмоқда.
PISM баҳолашича, Хитой импортининг ўсиши Европа ишлаб чиқарувчиларига жиддий хавф туғдирмоқда. Бу корхоналарнинг ёпилиши, иш ўринларининг қисқариши ва Хитой маҳсулотларига қарамликнинг кучайишига олиб келиши мумкин.
Аввалроқ Пекиннинг жавоб чораларидан хавотирланган Германиянинг позицияси ўзгариши Европа Иттифоқига савдо сиёсатини қатъийлаштириш бўйича келишувга эришишда ёрдам берган.
Институтнинг фикрича, Хитой ҳам жавоб чораларини кўриши мумкин. Хусусан, камёб ер металлари экспорти устидан назоратни кучайтириш ёки Европа товарларига божларни ошириш эҳтимоли бор.
Бу эса Европа Иттифоқи ва Хитой ўртасида савдо уруши бошланиши хавфини юзага келтирмоқда.
Зеленский Украина ҳудудининг бир қисмидан воз кечишга олиб келадиган тинчлик келишувига рози бўлиши мумкин
Биргина сурат махфий режани тасодифан ошкор қилди. 5 кун ичида нималар бўлди?
Месси — учинчи, Ямал — иккинчи: "Олтин тўп" учун асосий фаворит номи маълум бўлди
