Европа Комиссияси раиси Урсула фон дер Ляйен Нью-Деҳлидаги учрашувда савдо келишуви 2025 йил охирига қадар имзоланиши режалаштирилганини маълум қилди.
Унинг сўзларига кўра, Европа Иттифоқи ва Ҳиндистон ўртасидаги эркин савдо битими дунёдаги энг йирик иқтисодий битим бўлади. Музокаралар 2007 йилда бошланган, 2013 йилда тўхтатилган ва 2021 йилда қайта тикланган.
Европа Иттифоқи келишув доирасида Ҳиндистондан импорт қилинадиган автомобиллар ва алкогол маҳсулотларига белгиланган божни пасайтиришни талаб қилмоқда. Ҳиндистон эса ўз фармацевтика, кимё ва текстил саноати маҳсулотлари учун Европага кенгроқ йўл очишни истамоқда. Бундан ташқари, Ҳиндистон Европанинг пўлат, алюминий ва цемент маҳсулотларига қўшимча экологик йиғимлар жорий этишига қарши чиқмоқда.
Маълумот учун, Европа Иттифоқи Ҳиндистоннинг энг йирик савдо шериги ҳисобланади. Охирги ўн йилда ўзаро товар айирбошлаш ҳажми деярли икки бараварга ўсиб, 137,5 миллиард долларга етди.
Франция Россия Ғалаба байрамига таклиф қилинмаганидан ғазабланди
Агар Украина 9 май куни Москвага ҳужум қилса, Россия Киевга “Орешник” қуроли билан зарба бериши мумкин
“Зудлик билан тарк этинг!” — Украинада хавфли ҳудудлар бўйича шошилинч чақириқ
