ESPN ЖЧ-2026'нинг асосий фаворитини тахмин қилди

ESPN саҳифаларида 2026 йилги жаҳон чемпионатига йўл олган ёки йўлланмани қўлга киритиш имкониятига эга бўлган энг кучли терма жамоалар рейтинги эълон қилинди.

Мутахассислар биринчи ўринга аввалги икки мундиалда финалга қадар етиб борган Франция терма жамоасини қўйишди. 2018 йилги финалда "учранглилар" ғалаба қозонган, 2022 йилда эса Аргентинага пенальтилар сериясида мағлуб бўлган. Иккинчи поғонадан Европанинг амалдаги чемпиони Испания терма жамоаси жой олди. Кучли учликни Англия терма жамоаси якунлаб берди.

Кейинги ўринларда Португалия, Бразилия, Нидерландия, Аргентина, Италия, Германия ва Уругвай терма жамоалари жойлашди.

Ҳозирда 2026 йилги жаҳон чемпионатининг 28 нафар иштирокчиси аниқланди.