Агентликнинг юқори мартабали эронлик расмийларга таяниб хабар беришича, Теҳрон икки воситачи орқали Вашингтон билан сулҳ тузиш бўйича таклиф олган, бироқ янги олий раҳбар оятуллоҳ Мужтабо Хоминаий буни рад этган.
Reuters манбаларига кўра, ташқи сиёсат бўйича биринчи йиғилишда Мужтабо Хоминаийнинг АҚШ ва Исроилдан қасос олиш борасидаги позицияси “жуда қаттиқ ва жиддий” бўлган. Хоминаий “АҚШ ва Исроил тиз чўкмагунча, мағлубиятни тан олмагунча ва Эронга товон тўламагунча, тинчлик келишуви бўлмайди", деб айтган.
Эронлик расмийлар Мужтабо Хоминаий ушбу йиғилишда шахсан қатнашгани ёки йўқлигига аниқлик киритмаган.