Чемпионлар лигаси-2026 финалига чипта қанча туради? УЕФА нархларни эълон қилди

2025/2026 йилги мавсумнинг энг муҳим баҳси — Европа Чемпионлар лигаси финали Венгрия пойтахти Будапешт шаҳрида бўлиб ўтади. УЕФА бўлажак финал учрашуви учун чипталар нархи ва мухлислар учун ажратилган квоталарни эълон қилди.

Мухлислар учун имтиёзли нархлар

Режага кўра, финалнинг ҳар бир иштирокчиси ўз ишқибозлари учун 17 200 тадан чипта олади. Ушбу тоифадаги чипталар нархи нисбатан арзон — 70 евро (тахминан 960 000 сўм) этиб белгиланган.

Умумий сотувдаги чипталар қиймати

Мухлислар квотасига кирмайдиган қолган чипталар эса анча қимматроқ бўлади. Улар учун уч хил тоифадаги нархлар жорий этилган:

• 1-тоифа: 950 евро (13 000 000 сўм);

• 2-тоифа: 650 евро (8 900 000 сўм);

• 3-тоифа: 180 евро (2 470 000 сўм).

Европанинг энг нуфузли клублар турнири финали 30 май куни ўтказилади.

Эслатиб ўтамиз, ўтган мавсумда Чемпионлар лигаси финалида "ПСЖ" жамоаси "Интер"ни 5:0 ҳисобида мағлуб этган эди. Ўшанда парижликлар ўз тарихида илк бор Европа чемпионлари кубогини қўлга киритишганди.