Исроилнинг "Моссад" разведкасида ишлаганликда айбланган Эрон фуқароси Муҳсин Лангарнешин чоршанба куни эрталаб Эронда ислом республикаси Олий суди томонидан тегишли ҳукм чиқарилгандан сўнг қатл этилди. Бу ҳақда мамлакат суд ҳокимияти матбуот хизмати хабар берди.
Баёнотда таъкидланишича, Лангарнешин "Моссад" билан ҳамкорликни 2020 йил кузида бошлаган, шундан сўнг махсус тайёргарликдан ўтган ва ўша йилнинг декабрида Исроил махсус хизматлари учун биринчи топшириқни бажарган. Тергов маълумотларига кўра, у икки йил давомида Эрон ҳудудида Исроил разведкаси ходимлари ва агентлари билан яқин алоқада бўлган, шунингдек, 2022 йил 22 май куни Ислом инқилоби қўриқчилари корпуси (Эрон Қуролли кучларининг элита қисмлари) полковниги Ҳасан Саяд Ходайнинг ўлдирилишида иштирок этган. Баёнотда айтилишича, Лангарнешин тергов ҳаракатлари давомида айбига иқрор бўлган.
"Унинг "Моссад"даги жосуслик фаолияти, шунингдек, "Моссад" билан боғлиқ террорчилик гуруҳларини ҳар томонлама қўллаб-қувватлаши, жумладан, унинг "Моссад" билан ҳимояланган алоқа линиясига эгалиги аниқлангани билан исботланди," - дейилади ҳужжатда. Суд ҳокимияти вакилларининг таъкидлашича, Лангарнешин ўз кураторларининг топшириғи билан "муайян объектларни" суратга олиш билан шуғулланган, исроилликларга аноним сим-карталар, мобил телефонлар ва бошқа алоқа воситаларини берган. Исроил разведкаси вакиллари билан учрашиш учун у Непал ва Грузияга ҳам борган, дея қўшимча қилди вазирлик.
Гўзаллик маликаси 9 ойга қамалди
"Сизлар бизга террорчи, биз эса сизларга сув берамиз"
Эстония ва Россия ўртасида жанг чиқишига сал қолди
