Эрон Ядро қуролини тарқатмаслик тўғрисидаги шартномадан чиқади

Эрон парламенти Ядро қуролини тарқатмаслик тўғрисидаги шартномадан чиқиш режасини ишлаб чиқишга киришди.

Бу ҳақда Эрон депутати Ҳусайн-Али Ҳожи-Делигани сўзларига таяниб, Яқин Шарқ ОАВлари хабар берди.

Унинг сўзларига кўра, Ядро қуролини тарқатмаслик тўғрисидаги шартномадан чиқиш режаси бугун депутатлар кўриб чиқиши учун тақдим этилади ва кейинги ҳафтада тасдиқланади.

"Бунда ҳеч қандай янгилик йўқ. Юқорида айтганимиздек, бу бизга қарши санкцияларни ўз ичига олган тетик механизмини фаоллаштириш оқибатлари", - деди у.

Теҳронга кўра, бу чора Буюк Британия, Франция ва Германия томонидан Эрон ядровий дастури бўйича БМТ томонидан қайта-қайта санкциялар жорий этиш ташаббусига жавобдир.