Эрон урушга тайёрми?

Минтақадаги кескинлик кучайган ва АҚШ таҳдидлари фонида Эрон қуролли кучларини шай ҳолатга келтирди.

Бу ҳақда Reuters агентлигига Эроннинг юқори мартабали мулозими маълум қилди. Қарор, дейди у, олий раҳнамо Оятуллоҳ Али Хоманаий томонидан қабул қилинган ва бу мамлакатга ҳарбий зарба бериш хавфи билан боғлиқ.

❕ Эрон расмийлари қўшни давлатлар - Ироқ, Қувайт, БАА, Қатар, Туркия ва Баҳрайнни Американинг эҳтимолий ҳужумини қўллаб-қувватлашга қаратилган ҳар қандай ҳаракатлар, жумладан, амалиётлар учун ҳудуд ёки ҳаво бўшлиғини тақдим этиш душманлик ҳаракати сифатида баҳоланиши ҳақида расман огоҳлантирди. "Бундай иштирок этиш оғир оқибатларга олиб келади", деб таъкидлади манба.

АҚШ президенти Доналд Трамп ядровий дастур бўйича тўғридан-тўғри музокаралар ўтказишга ундаган бўлса-да, Эрон бу имкониятни рад этди. Бунинг ўрнига Теҳрон тарихан икки давлат ўртасида алоқа канали бўлиб хизмат қилган Уммон воситачилигида билвосита музокаралар ўтказишга тайёрлигини билдирди. Эрон расмийсига кўра, бундай музокаралар “яқин келажакда Америка томони тайёрлик ҳақида ишора қилса, бошланиши мумкин”.

Эроннинг фикрича, томонлар келишувга эришиш учун икки ойдан кўп вақт қолмаган. Акс ҳолда, манба қайд этишича, Исроил ядровий инфратузилмага қарши олдиндан зарба бериш хавфи бор. Айни пайтда, МАГАТЭ Эрон уранни бойитишни 60 фоизга, яъни қурол даражасига яқин даражада тезлаштираётгани ҳақида огоҳлантирмоқда.

Теҳрон ядровий дастури фақат тинч характерга эга эканлигини таъкидлайди, бироқ айни пайтда музокараларда ракеталар ва мудофаа технологиялари муҳокама қилинмаслигини таъкидлайди.