Эрон Трампнинг АҚШ фуқаросини озод қилиш ҳақидаги баёнотини рад этди

Эрон суд органлари Теҳрон америкалик маҳбусларни озод қилгани ҳақидаги хабарларни рад этди.

Бу ҳақда маҳаллий оммавий ахборот воситалари хабар беришмоқда.

"Терговлар натижасида АҚШ президенти Дональд Трампнинг тавсифига ёки бошқа хусусиятларига мос келадиган бирорта ҳам маҳбус ёки америкалик жосус Эрон қамоқхоналаридан озод қилинмаганлиги ёки алмаштирилмаганлиги аниқланди", дейилади Tasnim баёнотида.

Аввалроқ Трамп ўзининг Truth Social саҳифасида Эронда ҳибсга олинган АҚШ фуқароси 2024 йилда озод қилинишини эълон қилган эди. Америка раҳбари шунингдек, Теҳронга бу хайрихоҳлик учун миннатдорчилик билдирди, аммо озод қилинган америкалик аёлнинг исмини айтмади.