Эрон ТИВ раҳбари АҚШ ва Исроилнинг энергетика объектларига зарбалари жиддий экологик оқибатларга олиб келганини билдирди

Эрон ташқи ишлар вазири Аббос Ароғчининг таъкидлашича, АҚШ ва Исроилнинг Эрондаги энергетика объектларига берган зарбалари жиддий экологик оқибатларни келтириб чиқарган.

У атроф-муҳит сиёсий босим воситасига айланмаслиги, шунингдек, қисқа муддатли иқтисодий ва ҳарбий манфаатлар қурбони бўлмаслиги кераклигини таъкидлади.

Эрон Ташқи ишлар вазирлиги маълумотига кўра, Ароғчи Теҳронда бўлиб ўтган «Сукунатдаги ҳарбий жиноят: экоцид» номли халқаро конференцияда нутқ сўзлаган.

Вазирнинг фикрича, экоцид тушунчаси атроф-муҳитга қарши содир этилган ҳарбий жиноятлар доирасидан кенгроқ бўлиб, табиатни йўқ қилиш сифатида ҳам талқин қилиниши мумкин.

Ароғчи атроф-муҳит инсониятнинг умумий мероси эканини алоҳида таъкидлади. Унинг айтишича, табиат давлатлар ўртасидаги рақобат майдонига, сиёсий босим воситасига ёки қисқа муддатли иқтисодий ва ҳарбий манфаатлар қурбонига айланмаслиги лозим.