Эрон олий раҳнамоси АҚШни огоҳлантирди

Эрон олий раҳнамоси Али Хоманаий АҚШни "Эрон халқига зарар етказган" ҳар бир кишига "қаттиқ тарсаки" билан жавоб беришидан огоҳлантирди.

"Америкаликлар биз ҳеч қачон можарони бошламаганимизни билишлари керак, аммо Эронга зарар етказган ҳар бир киши оғир шапалоқ билан кутиб олинади" - деди Хоманаий.

19 март куни АҚШ президенти Дональд Трамп Хоманаийга йўллаган мактубида Теҳронга Эрон ядро дастури бўйича янги келишув тузиш учун икки ой муҳлат берган.

7 март куни Трамп ўзининг Truth Social саҳифасида Хоманаийга Теҳрон ядровий дастури бўйича музокаралар олиб боришни таклиф қилган хабар юборганини ёзган. Эрон раҳбари Америка президентининг бу баёнотини изоҳлар экан, унинг мамлакати АҚШ билан мулоқотга киришмаслигини, чунки Вашингтон фақат ўз манфаатларини ўйлашини таъкидлади. 12 март куни Хоманаий Трампнинг музокараларга тайёрлиги ҳақидаги сўзларини жаҳон жамоатчилиги фикрини алдаш деб атади.