Эрон кетма-кет тўртинчи маротаба ЖЧга йўл олди

Эрон терма жамоаси ЖЧ-2026 йўлланмасини қўлга киритди. Амир Ғаленои шогирдлари ЖЧ—2026 саралашининг 8-турида Ўзбекистон терма жамоаси билан дуранг ўйнади – 2:2. Эронликлар ҳисобида 20 очко бор ва саралаш босқичи якунида ўз гуруҳида кучли икки ўриндан бирини эгаллаш кафолатланган. Шу тариқа жамоа тўғридан-тўғри жаҳон чемпионатига йўлланма олади. Эрон терма жамоаси қаторасига тўртинчи жаҳон чемпионатида иштирок этади. У 2014, 2018 ва 2022 йилларда ЖЧ йўлланмасини қўлга киритганди.