Қўшма Штатлар Эрон яқин келажакда Исроилга ракета ҳужуми уюштириш ниятида эканлиги ҳақида маълумотга эга, дейди Axios ва CNN ҳарбий-сиёсий таҳлилчиси Барак Равид Оқ уйнинг юқори мартабали мулозимига таяниб.
«Биз Исроилни ушбу ҳужумдан ҳимоя қилиш учун мудофаа тайёргарликларини фаол қўллаб-қувватлаймиз. Эроннинг Исроилга тўғридан-тўғри ҳарбий ҳужуми Эрон учун жиддий оқибатларга олиб келади», — дея манбанинг сўзларидан иқтибос келтирган Равид.
