Эрон иқтисодиётини «бўғиш»

Трамп сайловолди кампанияси давомида АҚШ президенти Жо Байденни Эронга нисбатан заифликда айблади. У, шунингдек, Эрон раҳбарияти унга қарши ҳужумлар режалаштираётганини даъво қилди ва Эронни йўқ қилиш билан таҳдид қилди.

Трамп ўзининг раҳбарлиги остида ҳамма нарса ўзгаришини айтган.

Лондонда жойлашган Чатҳам Ҳоусе таҳлил марказининг Яқин Шарқ ва Шимолий Африка дастури директори Санам Вакил, «Трампнинг Эрон сиёсатини реал кўринишда кўриш муҳим» деди.

«Трамп Эроннинг минтақавий ва ядровий фаолиятини чекламоқчи ва Эрон режимининг хатти-ҳаракатларини максимал босим кампанияси ва Эрон иқтисодиётини бўғиш орқали ўзгартиришга мажбурламоқчи», деди Вакил.

Вакилнинг айтишича, Эрон тўғридан-тўғри алоқа қилишдан қочади ва АҚШнинг янги маъмурияти билан алоқа қилиш учун норасмий каналларга таянади. «Эрон, албатта, келаётган маъмуриятга хабар бериш учун орқа каналларга таянади ва қатарликлар бундай ниятларни билдиришда яхши роль ўйнайди.»