Бу ҳақда юқори лавозимли эронлик амалдорга таяниб Press TV хабар берди.
Расмийнинг сўзларига кўра, Яқин Шарқдаги АҚШ ҳарбий базалари ва гарнизонларини таъминлаш учун ишлатилган ускуналарнинг катта қисми айнан шу бўғоз орқали ташилган.
Манбанинг айтишича, агар Эрон илгарироқ бўғоздаги ҳаракатни назорат қила бошлаганида, рақибнинг минтақадаги логистика имкониятлари анча чекланган бўларди.
"Шу сабабли Эрон энди бундай логистика амалиётларининг амалга оширилишига йўл қўймайди", — дея қўшимча қилди у.
Эрон ўз ҳудудига берилган зарбалардан сўнг Вашингтон ва унинг иттифоқчилари учун Ҳўрмуз бўғози орқали кемалар ҳаракатини чеклади. Ҳарбий ҳаракатлар бошланишидан олдин бу ҳудуд орқали дунё нефтининг 20 фоизи ва суюлтирилган табиий газининг 30 фоиздан ортиғи ўтган.
Эрон Трампнинг Ҳўрмуз бўғозини очиш бўйича ултиматумига жавоб қайтарди
Эрон уламолари Хоманаийдан атом бомба ясашга рухсат беришни сўради
Эрон Ҳўрмуз бўғозининг «калитларини йўқотиб қўйди»
