Эрон февраль ойидан бери ёпиқ бўлган ҳаво ҳудудини қайта очди

Эрон февраль ойи охиридан бери илк бор ҳаво ҳудудини ва аэропортларнинг бир қисмини қайта очди.

«Мамлакат ҳаво ҳудуди ва бир қатор аэропортлар очилди», — дейилади Фуқаро авиацияси ташкилотининг IRNA агентлиги томонидан келтирилган баёнотида.

Ушбу қарор хавфсизлик ҳолати баҳоланганидан сўнг қабул қилинди. Идоранинг аниқлик киритишича, чекловлар 28 февралдан буён амал қилиб келаётган эди. Ҳаво ҳудудининг очилиши тегишли NOTAM (авиация ходимлари учун билдиришнома) орқали расмийлаштирилди.