Эрон Европанинг санкцияларига жавобан МАГАТЭ билан ҳамкорликни тўхтатади

Эроннинг Олий Миллий Хавфсизлик Кенгаши ЕИ мамлакатларининг Эронга нисбатан БМТ санкцияларини тиклашга бўлган уринишларига жавобан, МАГАТЭ (Халқаро атом энергияси агентлиги) билан ҳамкорликни вақтинча тўхтатишини эълон қилди.

📍 Қарор Кенгаш раиси — Эрон президенти Масъуд Пезешкиян раҳбарлигида ўтказилган йиғилишда қабул қилинди.

Йиғилишда қуйидаги масалалар муҳокама қилинди:

• Яқин Шарқдаги вазият ва Исроилнинг тажовузкор ҳаракатлари;

• Британия, Франция ва Германия каби 2015 йилдаги ядровий келишув иштирокчиларининг Эронга нисбатан БМТ санкцияларини тиклашга бўлган уринишлари.

🗣 Кенгаш баёнотида таъкидланган:

«Эроннинг ҳозирги шароитдаги сиёсати — минтақада тинчлик ва барқарорликни таъминлаш учун имкон қадар ҳамкорлик қилишдан иборат. Бироқ бир томонлама босимларга нисбатан мамлакат ўз миллий манфаатларини ҳимоя қилади.»