Американинг «The Atlantic» журналида чоп этилган таҳлилий мақолага кўра, Эрон билан сўнгги бир неча ойдан бери давом этаётган уруш АҚШнинг ҳарбий ва сиёсий қудратидаги айрим тизимли заифликларни намоён қилган.
«Тасним» хабарида келтирилишича, Сент-Эндрюс университетининг стратегик тадқиқотлар профессори Филлипс Пейсон О’Брайен «Америка даври тугади» номли мақоласида Иккинчи жаҳон урушидан кейин шаклланган АҚШнинг глобал устунлиги даври якунланиш босқичига кирганини таъкидлаган.
О’Брайеннинг ёзишича, сўнгги олти ой давомида АҚШ энг замонавий қуроллар, кенг ҳарбий базалар тармоғи, ривожланган логистика тизими ва кўплаб иттифоқчиларга эга бўлишига қарамай, Эронни мағлуб эта олмаган.
Муаллифнинг таъкидлашича, уруш арзон ва оммавий ишлаб чиқариладиган, юқори аниқликка эга қуроллар ҳам АҚШнинг ҳарбий инфратузилмаси учун жиддий муаммолар келтириб чиқариши мумкинлигини кўрсатган.
О’Брайенга кўра, ўнлаб йиллар давомида АҚШ ҳар қандай ҳарбий инқирозда бошқа давлатларга нисбатан кўпроқ ресурс — ишчи кучи, ўқ-дори, молиявий имконият ва дипломатик кўмакни сафарбар қила олишига таянган.
Таҳлилчи Эрон билан уруш мазкур ёндашувни шубҳа остига қўйганини ва АҚШнинг глобал ҳарбий имкониятларидаги чекловларни яққолроқ намоён этганини қайд этган.
"СИ шу ўн йиллик охирига келиб барчамизни ўлдириши мумкин"
АҚШ Эронда қулаган F-15E учувчиларини эвакуация қилиш операцияси кадрларини махфийликдан чиқарди
Бошланғич синф қизлари учун ҳижобни тақишни тақиқлаш таклиф қилинмоқда
