Эрон АҚШнинг муҳим инфратузилмасига қарши жавоб зарбалари билан таҳдид қилди

Эрон агар Қўшма Штатлар Эрон кўприклари ва энергетика иншоотларига ҳужум қилса, Яқин Шарқдаги муҳим инфратузилмага зарба бериш билан таҳдид қилди.

Бу ҳақда Эроннинг Tasnim ахборот агентлиги ҳарбий манбага таяниб хабар берди.

Манбага кўра, агар Вашингтон Эрондаги шунга ўхшаш иншоотларга ҳужум қилса, Теҳрон Қўшма Штатлар билан боғлиқ фуқаролик инфратузилмасига, жумладан, кўприклар ва энергетика иншоотларига қарши жавоб қайтаради.

"Эрон Ҳормуз бўғози устидан суверенитетни амалга ошириш учун темир иродага эга ва унинг Эрон учун таҳдидга айланишига ҳеч қачон йўл қўймайди", деди манба.

Аввалроқ АҚШ президенти Дональд Truth Social ижтимоий медиа саҳифасида Ислом инқилоби қўриқчилари корпуси Ҳормуз бўғозида савдо кемаларига ҳужум қилганда Қўшма Штатлар Эрон кўприклари ва электр станцияларига зарба беришини айтган эди.